Zaporojye vilayətində Ukrayna Silahlı Qüvvələri artıq Qərb tərəfdaşlarından hərbi yardım alıb və bunun sayəsində cəbhədəki mövqelərini xeyli yaxşılaşdırıblar.

Azmarka.az axar.az-a istinadən xəbər verir ki, bunu Zaporojye vilayət hərbi administrasiyasının rəhbəri Aleksandr Starux deyib.

"Qərb tərəfdaşlarının köməyi bir neçə həftə əvvəl gəldi və qoşunlarımızın mövqelərini xeyli yaxşılaşdırdı", - Starux bildirib.

Starux qeyd edib ki, hazırda Ukrayna qoşunları ilə Rusiya qoşunları arasında qarşıdurmanın əsas formalarından biri artilleriya duelləridir. Onun sözlərinə görə, Qərbin silahları snayper kimi dəqiq atır.