Kabil hava limanı yaxınlığında baş verən partlayışlar nəticəsində ən azı 40 nəfər ölüb, 120-yə yaxın insan yaralanıb.

Azmarka.az xəbər verir ki, bu barədə Qərb mediası xəbər verir.

***
Saat 19.01

Kabil hava limanında terrorçu-kamikadzenin özünü partlatması nəticəsində 13 nəfər həlak olub.

Azmarka.az xəbər verir ki, bu barədə "Taliban" hərəkatı açıqlama yayıb.


Saat 18:50

Kabil hava limanının girişində partlayış törədilib.

Azmarka.az APA-ya istinadən bildirir ki, partlayış britaniyalı hərbi qulluqçuların bir müddətdir dayandığı və hava limanının terror xəbərdarlığı səbəbi ilə bağlanmış 3 giriş qapısından birində baş verib.

ABŞ rəsmisi "Reuters" xəbər agentliyinə partlayışın terrorçu-kamikadze tərəfindən törədildiyini bildirib. Böyük Britaniya Müdafiə Nazirliyi partlayış nəticəsində itkilərin olmadığını, lakin əminliklə danışmaq üçün hələ tez olduğunu deyib.

"Pajhwok" agentliyi 2 nəfərin öldüyünü, 15 nəfərin yaralandığını açıqlayıb.

Pentaqondan verilən məlumata görə isə 3 ABŞ hərbçisi xəsarət alıb.

Qeyd edək ki, partlayışdan sonra hadisə yerində silah səslərinin eşidilməsi ilə bağlı məlumat yayılıb.


Azmarka.az